Het Drentse Boek

Wij hebt ok Nederlandstalige boeken!

Het Drentse Boek

Twie ezels en meer ...

In 2001 stopte Dick Blancke mit zien wark as prissentator bij Radio Drenthe en vertrök mit zien man Ron Vos naor Zuud-Frankriek. Veul mensen versleten heur veur twie ezels .... Want wie verruilt nou een vaste baan en een mooi huus veur een ongewisse toekomst in Frankriek? Maar volhardend as ezels probeerden ze zich an te passen en gung ze an de slag mit het verbouwen van een huus veur de verhuur veur vakantiegangers. Dick schreef zien ervarings op en zo onstund dit boek met een Drentse kiek op het Fraanse leven. En dat döt hij in het Drents, want dat is de taal die het dichtst bij hum stiet as hij an het schrieven is. Twie ezels kuj bestellen in de webwinkel www.drentheboeken.com

Lena

Dizze mininovelle in het Drents vertelt de geschiedenis van Lena. Leny Hamminga beschref in dit boek het opgreuien van een kwetsbaar maagie naor een zorgelijke jonge vrouw. Het leven is ok lang niet gemakkelijk veur heur; ze is zelf ziekelijk en heur man rak warkloos. Leny is der in eslaagd um de familiegeschiedenis in ongeveer vieftig pagina's in een sfeervol beschreven tiedsbeeld neer te zetten. Lena is het tweede deel in de neie Linksum-reeks van uutgeverij Het Drentse Boek. Van dizze biezundere reeks wordt per keer maar vieftig exemplaren edrukt. Dizze wordt enummerd en gesigneerd verkocht. As dizze boekies uutverkocht bint, wordt het boek as e-book anebeuden.

Wisselbalgies, Witte Wieven & Watergeesten

Waar mensen bij elkaar zijn worden verhalen verteld. Dat is al zo sinds mensenheugenis. Om elkaar een boodschap door te geven, te waarschuwen of eenvoudigweg elkaar te vermaken. In Wisselbalgies, Witte Wieven & Watergeesten zijn volksverhalen opgenomen van lang lang lang geleden, toen de heide in Drenthe nog onontgonnen was en eenzame vlakten de verbeelding op de loop lieten slaan. Maar ook staan er moderne verhalen in die aarden in dezelfde traditie.Het boek is te koop in de webwinkel van Het Drentse Boek.

In nachten dat ik naost joe lig

Schriever Anne Doornbos (Erica, 1948) beschref in In nachten dat ik naost joe lig, wat hum bezigholdt.
In het mooie Drèents van Erica en in een stijl die getuugt van een groot taolgevuul. Veul gedichten bent schreven in een vaste vorm, zoas sonnetten.
Hij schref met veul warmte en begrip over zien dierbaren; hij beschref met vakmanschap het Drèentse landschap en speult met taol in de stijl van aandere schrievers. Te koop in de webwinkel van Het Drentse Boek.

Waorum geleuft gieniene mij nou? van Roelie de Weerd uutekomen

Op vrijdag 30 september is de neie bundel Waorum geleuft gieniene mij nou? van Roelie de Weerd uutekomen. Dartig korte verhalen over reizen, meinsen en thuus. Een aantal jaoren eleden bracht Roelie het boek Allemaol Fratsen uut, maar die is al lange uutverkocht. Tied dus veur een neie! Te koop via de webwinkel

Nakende wiefies uutekomen

Op 25 mei is in het Huus van de Taol in Beilen het boek Nakende wiefies uutekomen. Jent Hadderingh hef het boek samenesteld mit behulp van de website Schuppies en Schoegies. In het boek dat as ondertitel Spannende volksnamen in Drenthe voor wilde planten wordt Drentse plantennamen verklaard an de haand van het gebruuk in het dagelijks leven. Vorm en kleur bint dan miestal belangriek, maar ok bijgeleuf en medicinale warking speult een rol bij de naamgeving.

Waor roet en blommen ....

Twaalf jaor naodat zien Geschiedenis van de Drentse literatuur 1816-1956 (Van Gorcum 2003) uutekomen is, hef Henk Nijkeuter het vervolg aferond. Hiermit is de beschrieving van de Drentse literatuurgeschiedenis compleet. In Waor roet en blommen wortel schiet in ’t veld - Geschiedenis van de Drentse literatuur 1945-2015 beschref Nijkeuter in roem 500 pagina’s het Drentse literaire leven. Het giet niet allent over Drentstalige en Nederlandstalige schrievers in Drenthe en heur wark, maar ok de rol van tiedschriften as Oeze Volk en Roet wordt uutgebreid beschreven. Op vrijdag 13 mei is het boek in het provinciehuus in Assen prissenteerd.

Blij met bomen van Jan van Ginkel

Op 18 meert is het boek Blij met bomen van Jan van Ginkel uutekomen bij Het Drentse Boek. In dit Nederlandstalige boekboek kuj vanalles lezen over bomen en struken die in het Drentse landschap veurkoomt. De interessante informatie wordt anevuld mit anekdotes en gedichten. Wi'j het boek bestellen?

Neie bundel mit Kerst- en winterverhalen

Bekende en minder bekende Drentse schrievers hebt dik twintig verhaolen en ’n paar gedichten over de karstdagen en de kolde wintertied schreven veur de bundel Nachtvörst. De bundel wordt prissenteerd o pde vrijwilligersaovend van het Huus van de Taol op 26 november. Ie kunt het boek hier bestellen.

Prissentatie Drentse vertaling Genesis tijdens karkdienst

Op zundag 15 november is de Drentse vertaling van het biebelboek Genesis prissenteerd tijdens een Drentse karkdienst in de Koepelkarke in Smilde. De dominees Wim Smit en Jennie Lambers-Niers, allebei lid van de warkgroep Drentstalige karkdiensten van het Huus van de Taol, gungen veur in dizze dienst. Wi'j het boek bestellen?

De activiteiten van het Huus van de Taol en Het Drentse Boek wordt mit meugelk maakt deur financiële ondersteuning van de provincie Drenthe.

Ga naar

Webwinkel Boeken