Het Drentse Boek

Wij hebt ok Nederlandstalige boeken!

Biebels Dagboek uutekomen op 9 november

IMGP3520Biebels DagboekOp dinsdag 9 november is in de Veenkarke in Klazienaveen-Noord het Biebels dagboek prissenteerd. Het is een Drents dagboek en het stiet vol met korte overdenkings die baseerd bint op een Biebeltekst. Initiatiefnemer veur dit dagboek is ds. Evert Akkerman uut Klazienaveen.


Dominee Akkerman vund dat het dagboek niet uut ien karkelijke stroming eschreven worden mug en hiel graag wol hij dat er meerdere varianten van het Drents in het boek te lezen waren. De schrievers, die allemaol regelmaotig veurgaot in karkdiensten, koomt uut de hiele briedte van de protestantse karken en uut bijna alle delen van de provincie Drenthe.
Het Biebels dagboek is niet jaorgebunden en ie kunt op elk moment begunnen. De schrievers van het Biebels dagboek bint: Evert Akkerman, Hans Katerberg, Henk Knegt, Jennie Lambers-Niers, Albert Metselaar, Sierk Meijer, Wim Smit en Alja Streutker-Betting.


De prissentatie in de Veenkerk in Klazienaveen-Noord was in haanden van Evert Akkerman. Jennie Lambers-Niers die eprezen wordde um de grote hoeveulheid wark die ze verricht har gaf het eerste exemplaar vurt an Aaldert Oosterhuis van RTV Drenthe. Alle metwarkers an het Dagboek lazen een stukkie veur en de Female Voices zungen de sterren van de hemel.

IMGP3516

Het Biebels dagboek (400 blz.) kost € 14,95 en is te koop in de plaatselijke boekhandel of via de webwinkel van Het Drentse Boek in Beilen.


De activiteiten van het Huus van de Taol en Het Drentse Boek wordt mit meugelk maakt deur financiële ondersteuning van de provincie Drenthe.

Ga naar

Webwinkel Boeken