Het Drentse Boek

Wij hebt ok Nederlandstalige boeken!

Jasbuus vol Drents

Jasbuus{multithumb}Vrijdag a.s. komp ter gelegenheid van de 1000e uutzending van Jasbuus vol Drents een boekie uut.Vieftig stukkies uut de tillevisieserie bint uutekeuzen veur dit boekie dat in een verrassend formaat zal verschienen.De pries haal ie zo uut de jasbuus, want die is € 5,00. Vanof vrijdag verkriegbaar in de Drentse Boekhandels en via de webwinkel van Het Drentse Boek.

Het veerde seizoen van Jasbuus vol Drents is zowat veurbij. En dus is der al duzend keer op TV Drenthe twee minuten streektaalinformatie uut de jasbuus ehaald.

Ter gelegenheid van die 1000e uutzending hef het Huus van de Taol vieftig 'stukkies' in een boekie openeumen. Al met al zit der 112 bladzijdes in het boekwarkie dat een verrassend formaat hef. Het past nl. gewoon in een jasbuus!

De achterflap vertelt: Doezend maol Jasbuus vol Drents. Doezend maol Abel Darwinkel of Jan Germs met een flinstertie streektaol op TV Drenthe. Is het daormet nog niet genog? Mot er dan ok nog zo neudig een boekie kommen? Wij vindt van wal. Een nuver boekie, dat letterlijk in een jasbuus past. In zo’n klein boekie past vanzölf gien doezend Jasbuusstukkies. Umdebij vieftig hebt een plekkie kregen in dizze jubileumoetgave. Vieftig underwarpen, diej hopelijk met plezeer leest. Vieftig underwarpen, willekeurig keuzen. En die aandere 950? Tja…
Het voorwoord is geschreven door Lydia Tuijnman, programmamaker van RTV Drenthe, die Jasbuus vol Drents regisseert.
De tiekenings bint van Arjen van der Wal.

De activiteiten van het Huus van de Taol en Het Drentse Boek wordt mit meugelk maakt deur financiële ondersteuning van de provincie Drenthe.

Ga naar

Webwinkel Boeken