Het Drentse Boek

Dat sprek boekdelen

Suze Sanders wint Streektaalpries Dagblad van het Noorden

In Slochtern weur zundag 30 meert veur de 9e achterienvolgende keer de Streektaalpries van het Dagblad van het Noorden uutereikt. Juryveurzitter Erik van Oosterhout maakte de prieswinnaars bekend: In de categorie Literatuur gung de pries naor Suze Sanders mit de bundel Veenbraand en in de categorie Muziek naor Jan Henk de Groot mit de cd Weer Om.
Wij feliciteert Suze Sanders van harte mit dizze Streektaalpries. Wij hoopt dat wij nog veul van heur mooie gedichten publiceren magt! Woj Veenbraand kopen?

 

 

Uut het juryrapport:
Het aantal goeie Drentse dichters is dun zaaid. Suze Sanders (Goes, 1953), heurt bijde toppers. In Veenbraand dicht ze over heur jeugd in Zeeland en in Rotterdam. Heur herinnerings uut die tied bint veural van heuren zeggen en van later kieken.
Suze Sanders kek, noteert, beschref wat zich op enig moment an heur veurdöt. Heur gedichten gaot over het körte menselijke bestaon mit melancholie en weemoed. Heur gedichten geeft bliek van een grote betrökkenheid bij de onontkoombare netuur mit een ondergeschikte rol veur de mens.

 

Ga naar