Het Drentse Boek

Wij hebt ok Nederlandstalige boeken!

Veenbraand: Neie bundel Suze Sanders

Veenbraand{multithumb}Op 8 maart wordt de viefde bundel van Suze Sanders prissenteerd in het Huus van de Taol. In Veenbraand staot gedichten die al jaorenlang lagen te bruien, gedichten waoran Suze eschoerd en eschaafd hef.

 

 

In de bundel Veenbraand bint gedichten te vienden die melancholisch van karakter bint, over heur olders die tiedens heur jeugd in Zeeland woonden, of over heur kiender die op eigen bienen koomt te staon. Zij stiet daor tussenin. In heur eigen wereld, mar ok in de grote wereld, as zij schref over het bloedbad op Utoya, zij is betrökken. En zij wil dat delen mit heur lezers.

 

 

Diachronie (veur mam en pap)

 

Ik zie mien beide olders staon

langzaom en licht veuroverbeugen

wuift zij weerum wanneer ik zwèei

 

as een bewegend schilderij

wat staodig an stilleven wordt

wanneer heur blik veurgoed verstart

 

under vernis wat dreug en hard

dit dierbaor bield bewaoren zal

 

het frame as raand um het gemis

en waor aans niks as leegte is.

 

Veenbraand is vanof 8 meert te koop bij de boekhandel en te bestellen via de website: www.hetdrentseboek.nl

ISBN: 978 90 6509 072 0
De pries is € 12,50

De activiteiten van het Huus van de Taol en Het Drentse Boek wordt mit meugelk maakt deur financiële ondersteuning van de provincie Drenthe.

Ga naar

Webwinkel Boeken