Het Drentse Boek

Wij hebt ok Nederlandstalige boeken!

De Paddenvanger van Anne Doornbos

Op donderdag 14 juni is de Drentse thriller De Paddenvangervan Anne Doornbos uutekomen. De Paddenvanger is een echte Drentse thriller die zich ofspeult in de umgeving van Raol. Vier dwarse, overjaorige tieners riedt nao een nacht stappen heur straf integen. Een wrede straf veur een laffe daod. Is der sprake van een ruzie, rechts-extremisme of misschien toch een ofrekening in het drugscircuit ? Inspecteur Freek Rossing stiet veur een raodsel; zien ienige sporen bent vossehaor op een autodeure en een koppel patroonhulzen. Een verhaal over wraak, vastholdendheid en de dunne grèens tussen goed en kwaod. Waorin blek dat weinig lu zo bent as ze heur kennen laot. Het misdrief speult zich of in de dudelijk te herkennen umgeving van Raol. Veur de lezer is het een sport te ontdekken waor of wat zich ofspeult. Verkriegbaar in veul Drentse boekhandels en in de webwinkel van Het Drentse Boek.
De activiteiten van het Huus van de Taol en Het Drentse Boek wordt mit meugelk maakt deur financiële ondersteuning van de provincie Drenthe.

Ga naar

Webwinkel Boeken


Deze website gebruikt cookies Informatie